अमेरिकाको कोलोराडो राज्यको कोलोराडो स्प्रिङ्सको एक बिशाल बजार (किनमेल बजार)मा झडप हुँदा एक जनाको मृत्यु भएको छ भने दुई जना गम्भीर घाइते भएका प्रहरीले आइतबार जनाएको छ।

प्रहरीलाई अपरान्ह ४ः३४ मा खबर गरिएको प्रहरीले बताएको छ । स्थानीय समय अनुसार सिटाडेल बिशाल बजारमा गोली चलेको हो । बन्दुकको गोली लागेर एक जना वयस्क पुरुषको मृत्यु भएको र अन्य दुई वयस्क पुरुषहरूलाई गम्भीर अवस्थामा स्थानीय अस्पतालमा लगिएको कोलोराडो स्प्रिंग्स प्रहरी विभागले आइतवार साँझ बताए ।

प्रहरी अधिकारीहरूले दुई समूहबीच झगडा भएको ठहर गरेको प्रहरीले जनाएको छ।

घाइते भएका दुई जनालाई कम्तिमा एक-एक गोली लागेको थियो । एक महिलालाई पनि सामान्य चोटपटक लागेर अस्पताल भर्ना गरिएको थियो ।

प्रहरीले धेरैलाई नियन्त्रणमा लिएको र घटनामा उनीहरुको संलग्नता पत्ता लगाउन काम भइरहेको बताएको छ ।

प्रहरीका अनुसार बिशाल बजार खाली गरी बन्द गरिएको थियो ।