गाजामा युद्धविराम नभएसम्म इजरायलसँग कुनै पनि वार्ता वा बन्दी आदानप्रदान नगर्ने हमासले जनाएको छ ।

हमासको राजनीतिक ब्यूरो(बिभाग)का उपप्रमुख सालेह अल-अरौरीले शनिबार अल जजीरा संचारमाध्यमसँगको अन्तर्वार्तामा वार्ता र बन्धक-बन्दी आदानप्रदानमा समूहको आधिकारिक अडान व्यक्त गरे। उनले भने, “अहिले कुनै वार्ता हुने छैन” र गाजामा युद्धविराम नभएसम्म र “यहुदी आतंकवादी आक्रमण पूर्ण रूपमा समाप्त नभएसम्म त्यहाँ कुनै कैदी आदानप्रदान हुनेछैन।”

अल-अरौरीका अनुसार हमासद्वारा बन्दी बनाएका बाँकी बन्धकहरू सिपाही र पूर्व सैनिकहरू हुन् । “आक्रमणको अन्त्य नभएसम्म उनीहरूका सम्बन्धमा कुनै वार्ता हुनेछैन।”

इजरायलका रक्षामन्त्री योभ गालान्टले हमासले १७ महिला र बालबालिकालाई रिहा गर्न अस्वीकार गरेको आरोप लगाएका छन् । अल-अरौरीले भने ,वयस्क पुरुष बन्धकहरू हुन् । “सबैले सेनामा सेवा गरे, केही अझै आरक्षित सूचीमा छन्” । अब हमासद्वारा विभिन्न मापदण्डहरूको अधीनमा छन्। यता इजरायली प्रधानमन्त्रीको कार्यालयले अझै ११७ जना मानिस बन्दी रहेको शनिबार जनाएको छ ।

“हामीले पहिलो दिनदेखि नै भनेका छौ यहुदी कैदीहरूलाई रिहा गर्ने मूल्य भनेको युद्धविराम पछि हाम्रा सबै बन्दीहरूको मुक्ति हो,” अल-अरौरीले थपे।