उत्तर-मध्य मेक्सिको राज्य जाकाटेकासमा अपहरण गरिएका सात युवाहरूको खोजी गर्दा गत बुधवार खोजकर्ताहरूले दुर्गम क्षेत्रमा छवटा शव र एक जीवित व्यक्ति फेला पारेका छन् ।

राज्य अभियोजकहरूले जीवित युवकको टाउकोमा गम्भीर चोट लागेको बताएका छन् । उनको अवस्था स्थिर रहेको बताइएको छ । उनीहरूले छ जना युवाको शव नजिकै फेला परेको बताए, तर अनुसन्धानकर्ताहरूले उनीहरू आइतबार खेतबाट अपहरण गरिएका युवाहरू हुन् भन्ने पुष्टि गरेका छैनन भनि सिबिएसन्यूजले जनाएको छ ।

दुई संदिग्धलाई विलानुभामा पक्राउ गरिएको जाकाटेकास राज्यका वरिष्ठ अधिकारी रोड्रिगो रेयेसले पत्रकारलाई भने। सडकविहीन ठाउँबाट शव निकालेर पहिचानका लागि प्रदेश राजधानीमा ल्याउनुपर्नेछ ।

उनीहरूका आफन्तहरूले यस हप्ताको सुरुमा हिंसाबाट ग्रस्त राज्यमा अधिकारीहरूलाई उनीहरूलाई फेला पार्न माग गर्न प्रदर्शन गरेका थिए।