अमेरिकाको क्यालिफोर्निया राज्यको दक्षिण क्षेत्रमा हिलारी नामक समुन्द्री आँधि आउने भएकोले मानिसहरुलाई चेतावनी दिईएको छ । त्यहाँका बासिन्दाहरुलाई यसबाट बच्न तयारी गरि रहेको सिएनएनले जनाएको छ ।

तूफान हिलारीले क्यालिफोर्नियाको दक्षिणपश्चिममा खतरनाक वर्षा हुने र बाढी आउन सक्ने भएकोले सतर्कता र सावधान अपनाउन सबैलाई आह्वान गरिएको छ ।

समुन्द्री तूफान हिलारी आइतवारबाट सुरु हुने र अर्को हप्तासम्म चल्ने दुर्लभ उष्णकटिबंधीय आँधीको रूपमा यस क्षेत्रलाई धक्का दिने अपेक्षा गरिएको छ।

अमेरिकाको नेशनल हरिकेन सेन्टरका अनुसार हिलारी १३० माइल प्रतिघण्टाको गतिमा निरन्तर हावाको साथ मेक्सिकोको बाहा क्यालिफोर्निया प्रायद्वीपको तट तर्फ अघि बढेकोले श्रेणी ४ अर्थात् क्याटोगोरी फोर स्ट्रोम आँधी रहने बताईएको छ ।

शनिबार राति प्रायद्वीपको नजिक पुग्ने र त्यसपछि अमेरिका र दक्षिणी क्यालिफोर्नियामा पार गर्दा उष्णकटिबंधीय आँधीमा कमजोर हुने अपेक्षा गरिएको छ।

दक्षिणपश्चिममा आगामी सप्ताहान्तबाट शुरुमा भारी वर्षा हुने पूर्वानुमान गरिएको छ । तर आइतवार र सोमबार सबैभन्दा तीव्र अवस्थाको साथ हिलारीको वृद्धि हुने जनाईएको छ । क्यालिफोर्निया, नेभादा र एरिजोनाका भागहरूमा एक वर्षभन्दा बढीको वर्षा ल्याउन सक्ने अनुमान गरिएको छ ।

दक्षिणी क्यालिफोर्निया र नेभादाका भागहरूमा ३ देखि ६ इन्च र केही स्थानहरूमा १० इन्चसम्म वर्षा हुन सक्छ। अन्यत्र, १ देखि ३ इन्चको मात्रा पूर्वानुमान गरिएको छ। नेभादाका गभर्नर जो लोम्बार्डोले शुक्रबार १०० जना राज्यका राष्ट्रिय सैनिकहरु दक्षिणी नेभादामा तैनाथ गरिने घोषणा गरेका छन् ।

राष्ट्रपति जो बाइडेनले शुक्रबारको पत्रकार सम्मेलनमा संघीय आपतकालीन व्यवस्थापन सँस्थाले आवश्यक परेमा दक्षिणी क्यालिफोर्निया वा यस क्षेत्रका अन्य भागहरूमा प्रतिक्रिया दिन कर्मचारी र आपूर्तिहरू पूर्वनिर्धारित रूपमा राखेको बताए ।