मृत्यु सघैं अटल र सत्य
न त कोही हुने अजर अमर
जानै पर्छ एक दिन
छाडेर भौतिकता ।
तर
कसरी र किन हुन्छ
आफैंलाई अन्तर्घात
लुछेर आफ्नै धुकधुकी
निमोठेर पवित्र जीवनी !
चिथोरेर प्रियजनका नयनहरू
रेटेर छातीको कोमलतामा
भूलेर मिठो सम्वन्ध
अनी
स्वयम को विराजता !
कर्म, कर्तव्यको परिधि मात्र हैन
टुटाएर मिठा सपना अनि
सुन्दर कल्पनाका डोरी
किन निर्ममता सुन्दर फूलको ?
चुंडालेर
जीवनरूपी सुन्दर थुंगा ।
फ्यांकिदिंदा खुसीका पत्रहरू
नफर्किने गरी उड्यो पर क्षितिजमा
मुटुभरी डाम छाडेर 😢😢
विमला ढुंगाना
मेनचेस्टर , युएसए ।
प्रतिक्रिया