रुस र युक्रेनका नेताहरूले बुधबार अन्तर्राष्ट्रिय महिला दिवसको अवसरमा दुई देशबीचको युद्धको बीचमा विज्ञप्ति जारी गरेका छन् ।

युक्रेनी राष्ट्रपति भोलोडिमिर जेलेन्स्की र रुसी राष्ट्रपति भ्लादिमिर पुटिन दुवैले द्वन्द्वमा संलग्न महिलाहरूलाई प्रत्यक्ष रूपमा सम्बोधन गरे।

पुटिनले “मातृभूमिको रक्षा गर्ने सर्वोच्च लक्ष्य ” रोजेका रूसी महिलाहरूलाई सम्मान गर्न चाहेको बताए।

जेलेन्स्कीले युक्रेनको लागि लड्ने र देशका लागि आफ्नो जीवन अर्पण गर्ने महिलाहरूप्रति “आज कृतज्ञता व्यक्त गर्न महत्त्वपूर्ण” भएको बताए ।

जेलेन्स्कीले आफ्नो जीवनमा आफ्नी श्रीमती र आमा र उनीसँग काम गर्ने महिलाहरूप्रति कृतज्ञता व्यक्त गरे। उनले कार्यस्थलमा लैङ्गिक समानताको महत्वलाई पनि जोड दिए भनि सिएनएनले समाचार लेखेको छ ।

“यो धेरै महत्त्वपूर्ण छ र हामी सहकर्मीको रूपमा बराबर छौं,” जेलेन्स्कीले भने।