युक्रेनको चेर्नोबिल आणविक कारखानाका करिब आधा कर्मचारीहरु पालैपालो काम गर्न र घर जान सक्षम भएको संयुक्त राष्ट्र संघ आणविक निगरानी संस्थाले जनाएको छ ।

युक्रेनको आणविक नियामक अन्तर्राष्ट्रिय आणविक ऊर्जा एजेन्सी (आईएईए) ले आइतवार जनाए अनुसार कारखानाबाट घर जान सक्षम भएका र उनीहरु लगभग चार हप्तादेखि काम गरिरहेका थिए ।

आईएईएका निर्देशक जनरल राफेल ग्रोसीले ट्विट गर्दै कर्मचारीले पालैपालो काम गर्ने समाचार सुन्न पाएकोमा हर्ष व्यक्त गर्दै स्वागत गरेका छन् । उनले अगाडी भने “उनीहरू यी अत्यन्त कठिन परिस्थितिहरूमा काम गरेकोमा हाम्रो पूर्ण सम्मान र उनीहरु प्रशंसाका योग्य छन्। तिनीहरू त्यहाँ धेरै लामो समय सम्म त्यहाँ रहे । अब बाँकी रहेका कर्मचारीहरू पनि चाँडै घर जाने र काममा खटिन सक्छन् भन्ने आशा राख्दछु।”

ग्रोसीले भने “पहलको उद्देश्य युक्रेनको आणविक स्थलहरूमा सुरक्षा र सुरक्षा सुनिश्चित गर्नु हो। ”

मार्च १५ मा युक्रेनले संयुक्त राष्ट्रको आणविक निगरानी संस्थालाई चेर्नोबिल आणविक उर्जा कारखाना (प्लान्ट)मा बिजुली बिच्छेद भए पछि राष्ट्रिय बिजुली बिद्युत पद्धतिमा पुन: जडान गरिएको जानकारी गराएको थियो ।

सोमबार सम्म उक्त प्लान्ट (कारखाना)ले सबै आवश्यक बिजुली प्राप्त गरिरहेको जनाएको छ ।

रुसी सेनाले फेब्रुअरी २४ मा आणविक कारखाना नियन्त्रण लिएपछि कारखानाका २११ प्राविधिक कर्मचारी र सुरक्षाकर्मीलाई त्यही भित्र नै राखेका थिए । उनीहरु बाध्य भै गत तीन हप्तादेखि उनीहरु त्यहाँ बसिरहेका थिए ।