चैत २ गते २०७७

विश्वभर छरिएर रहनु भएका नेपालीभाषी साहित्यकारहरूलाई नेपाली साहित्यकार नामक विश्व संजालले फेसबुक मार्फत एउटै छाता मुनी जोडेर म्यासेन्जरमा नेपाली साहित्यका विविध विधाका अग्रज प्रशिक्षकहरूद्वारा निरन्तर अभ्यास गराइरहेको छ।नेपाली साहित्यका विविध विधा नबुझेर वा बाटो बिराएर अन्योलमा परेका र सिक्न चाहने सर्जकका लागि नमूना पाठशाला बनेको छ।

यसै मन्चबाट गजल विद्वच्छिरोमणी डा. घनश्याम न्यौपाने परिश्रमीको गजल संग्रह ‘निभेका शिखा’ विमोचन भएको छ।कार्यक्रम साहित्यकार भूँडि पुराण प्रकाशनका केशव पराजुलीको सभापतित्वमा र नेपाल प्रज्ञा प्रतिष्ठानका कुलपति गंगाप्रसाद उप्रेतीको प्रमुख आतिथ्यमा सम्पन्न भएको थियो।

उक्त कार्यक्रममा आमन्त्रित विशिष्ठ अतिथि तथा बक्ताहरूमा गजलकार बूँद राना,अनेसासका संस्थापक अध्यक्ष होमनाथ सुवेदी,अनेसासका निवर्तमान अध्यक्ष एवं वर्तमान केन्द्रीय सल्लाहकार राधेश्याम लेकाली,साहित्यकार भुवन निस्तेज,गजलकार हुसेन खाँ, गजलकार टक गुरुंग र गजलकार तथा गजल चिन्तक देवी पन्थीको उपस्थिति रहेको थियो।

वरिष्ठ अतिथि तथा वक्ताहरूले पुस्तकको विशेषता, गजलको चर्चा र नेपाली साहित्यका बारेमा चर्चा परिचर्चा गर्दै गजलकारलाई कृति सफलताको शुभकामना दिएका थिए।

करिब चार घण्टा लामो जुम प्रविधिमा गरिएको विमोचन कार्यक्रममा विमोचन गरिएको पुस्तक ‘निभेका शिखा’बाट दुई दर्जन बढी सर्जकले गजल बहरको लयमा वाचन गरेका थिए।

नेपाली साहित्यकार पाठशालाका प्रशिक्षक तथा अग्रज एवम् अनुजजन, उज्यालो पाठशाला र परिश्रमी पाठशालामा आवद्ध सम्पूर्ण साहित्यकार, साहित्यअनुरागी तथा पत्रकार गरेर बाक्ले उपस्थिति रहेको थियो ।

कार्यक्रममा नेपाली साहित्यकार समूहका परिकल्पनाकार स्पन्दन विनोदले स्वागत मन्तव्यसहित संचालन गरेका थिए।

विमोचित कृतिका सर्जक डा. घनश्याम न्यौपाने परिश्रमी २०१५ सालमा स्यांजाको बलाममा जन्मिनु भएको हो । नेपालीमा एम ए, व्याकरणमा आचार्य र गजलमा विद्यावारिधी गर्नु भएका डा. घनश्याम परिश्रमी अध्यापन पेशामा सक्रिय हुनुहुन्छ।उहाँका थुप्रै संग्रहहरु प्रकासित छन् ।विमोचित कृति नवौँ गजलसंग्रह हो।

कार्यक्रममा सर्जकहरु सीता पन्त कँडेल,आवाज शर्मा, रश्मी असफल, सिर्जना खनाल,प्रकाश पाण्डे,सुमित्रा पौडेल सुमी,रन्जु गौतम घिमिरे,दुर्गा क्षेत्री,बूँद राना, अमर देव बास्तोला,हरि पराजुली,शावित्री पौडेल,ध्रुव गजुरेल,विन्दा पराजुली बराल,कविराज घिमिरे,कविता केशरी,कविराज पौडेल,आवाज शर्मा,प्रयमवदा काफ्ले,विमुन्स पौडेल,डा.घनश्याम परिश्रमी र स्पन्दन विनोद लगायतले विमोचित गजल संग्रह निभेका शिखाबाट रचना तरन्नुममा वाचन गरेर सुनाएका थिए।

कार्यक्रमलाई प्रविधिमा कुमार शर्माले सहयोग गरेका थिए।अन्त्यमा कार्यक्रम सभापति तथा भूँडिपुराण प्रकाशनका प्रकाशक केशव पराजुलीले पुस्तकको परिचर्चा गर्दै सर्जकलाई बधाई,धन्यवाद तथा शुभकामना दिँदै कार्यक्रमको समापन गरेका थिए।

कार्यक्रममा उपस्थित नेपाल प्रज्ञा प्रतिष्ठानका कुलपति गंगाप्रसाद उप्रेतीलाई सम्मान स्वरुप मायाको चिनो र वरिष्ठ अतिथि तथा वक्ताहरूलाई धन्यवाद ज्ञापनपत्र दिइने कार्यक्रम प्रस्तोता,नेपाली साहित्यकार समूहका परिकल्पनाकार तथा विमोचन कार्यक्रमता आयोजक तथा कार्यक्रम प्रस्तोता स्पन्दन विनोदले जानकारी दिएका छन्।