कोमल गजल:-

इनेप्लिज २०७६ वैशाख २७ गते ११:१७ मा प्रकाशित

विरह भो प्रवास

न छ खुसी न आस

सुलभ छैन केही

न त कहीं छ खास

सयथरी छ पीडा

नयन छन् उदास

जटिलता छ धेरै

अमन छैन पास

जिउन रैछ गाह्रो

अधमरो छ सास

स्वर हुँदैछ रूखो

मृत भयो मिठास

विरुत देख्छु धर्ती

छ विरुतै अकास

हरघडी छ चिन्ता

सुखद भो खलास

गति रहेन तेजी

कटिसकेँ पचास

निलिसके व्यथाले

पलपलै छ त्रास

प्रिय छ देश आफ्नै

छ फिरिने प्रयास

III SIS S

छन्द – हिउँचुली

(विश्राम – ४ मा)

– कोमल भट्ट

च.न.पा-१३

पुरानो नैकाप,

काठमाडौँ

हाल:- न्युयोर्क

प्रतिक्रिया