अमेरिकाको डीसी महानगर क्षेत्र वाशिंगटन डिसी,भर्जिनिया तथा मेरिल्याण्डबासीहरुका लागि जनवरी १ ,२०१९ देखि केही नयाँ नियम कानुन लागु भएका छन् । यस क्षेत्रमा बसोबास गर्ने नेपाली समुदायले यस कुरामा ज्ञान राख्न जरुरी हुन्छ । डीसी महानगर क्षेत्रका सरकारले कैयौ नियम/कानुन पारित गर्न नसकेता पनि केही कानुन पारित गरि नयाँ बर्षको सुरुवात देखि नै लागू गर्ने भएको छ ।

डिसी क्षेत्र अन्तर्गत बिद्यालय नजिक,युवा सुविधाका स्थल ,मनोरंजन स्थल,खेल मैदान,पौडी पोखरी,खेलाडीहरुको कसरत तथा अभ्यास गर्ने मैदान तथा वरिष्ठ नागरिक केन्द्रहरुका ईलाकामा बिहान ७ बजे देखि राती ११ बजे सम्म सवारी केवल १५ माइल्स प्रति घण्टा हुनुको रफ्तारमा कुदाउनु पर्ने नियम आएको छ ।

पैदलयात्री हिड्ने सडकमा सवारी साधन कुदाउने चालकले रोकेर पैदयात्रीलाई ठक्कर दिएमा $ ५ सय डलर जरिवाना सहित तीन अंकको दण्ड जरिवाना लाग्ने छ । यसको साथै उक्त १५ माइल्स प्रति घण्टा कुदाउनु पर्ने सडकमा २६ माइल्स प्रति घण्टा कुदाएको पाइएमा अतिरिक्त दण्ड जरिवाना लाग्ने छ ।

त्यति मात्र हैन ,१५ माइल्स प्रति घण्टा कुदाउने पर्ने सडकमा ३० माइल्स प्रति घण्टा कुदाएको पाइएमा अपराधिक अभियोगको सामना गर्नु पर्ने छ । यसै गरि दुई चक्र बाहन(साइकल) चलाउने मार्ग अबरुद्ध गरेमा $ ६५ डलर बाट $ १५० डलर जरिवाना वृद्धि गरिएको छ ।

साथै दुई कानमा श्रवण साधन उपकरण (हेडफोन )लगाउने साइकलयात्रीलाई ५० डलर जरिवाना लगाइने भएको छ । उक्त क्षेत्र हिडडुल गर्ने डीसीवासीहरुले आफू संग स्वास्थ्य बिमा पत्र बोकेर हिड्नु पर्ने छ । जसले लिएर हिडदैन उसले जरिवाना तिर्नु पर्ने भएको छ ।

यसै गरि डिसिमा एक पटके प्रयोग गर्न प्लास्टिकको पिउने नली (स्ट्र) को व्यवसाय प्रतिबन्धित गरिएको छ । मेरिल्याण्डमा बिशेष गरि महुमेय (चिनी रोग) लक्षण भएकालाई केही उपकरण,आपूर्ति तथा स्वयम व्यवस्थापनका तालिम लगायत सुविधा उपलब्ध गराउने नयाँ कानुनले त्यो समेट्ने समेत भएको छ ।

साथै नयाँ आदेश अनुसार गर्भधारण द्वारा उत्पन्न ग्लुकोजको मात्राको उपचार गर्न को लागी नयाँ नियमले समेट्ने भएको छ । गैर कानुनी रुपमा प्राप्त भएको कुनै पनि पैसा प्रयोग गर्न राजनीतिक अभियानहरू निषेधित गरिनेछ।
.
यसै गरि भर्जिनियाका करिव ४ लाख निवासिहरुलाई नयाँ बिस्तारित मेडिकेड(चिकित्सा सहायता ) बीमाकृत राशि (कभरेज) सुरु हुने छ ।

स्रोत : डब्लुओटिओपी