बनियानी(झापा), १६ जेठ । भद्रपुर नगरपालिका–३ आमगाछीबाट प्रहरीले एक हजार ४०० किलो काँचो सुपारी बरामद गरेको छ ।

भन्सार छलेर ल्याइएको उक्त सुपारी वडा प्रहरी कार्यालय भद्रपुर र महेशपुर प्रहरी चौकीको संयुक्त टोलीले बरामद गरेको हो ।

मे१ज १३३० नंको गाडीबाट सुपारी बरामद गरिएको जिल्ला प्रहरी कार्यालयका प्रहरी नायब उपरीक्षक हरिप्रसाद शर्माले जानकारी दिनुभयो । प्रहरीले गाडीचालक मेचीनगर नगरपालिका– ६ का खोतु राजवंशीलाई इटहरीस्थित राजस्व अनुसन्धान क्षेत्रीय कार्यालय पठाएको छ । रासस