भक्तपुर, २४ असार । महानगरीय प्रहरी परिसर भक्तपुरले यहाँका विभिन्न स्थानबाट नियन्त्रणमा लिएको अवैध एक हजार लि घरेलु मदिरा आज नष्ट गरेको छ ।
जिल्लाका विभिन्न स्थानबाट बिक्रीका लागि लैजाँदै गरिएको मदिरा नियन्त्रणमा लिई प्रहरी परिसरमा नष्ट गरिएको हो । भक्तपुरबाट काठमाडौँतर्फ विभिन्न सवारीसाधनबाट लाँदै गरिएको अवस्थामा घरेलु मदिरा नियन्त्रणमा लिएर नष्ट गरिएको जानकारी महानगरीय प्रहरी परिसर भक्तपुरका प्रहरी नायब उपरीक्षक शेखर खनालले जानकारी दिनुभयो ।
भक्तपुरलाई अवैध मदिरा मुक्त जिल्ला बनाउने प्रहरीको अभियानका क्रममा प्रहरीले बिहान र साँझ विभिन्न सवारीसाधन जाँचका क्रममा मदिरा नियन्त्रणमा लिइरहेको छ ।
प्रतिक्रिया