बिहीबार, कार्तिक ६ २०७७
काठमाडौं ०७:१४
वासिङटन डिसी 21:29

लोकमानको सम्पत्ति विवरण सार्वजनिक माग गर्दै अर्को निवदेन

इनेप्लिज २०७३ जेठ १२ गते १४:४४ मा प्रकाशित

Lokman-singh-karki-

काठमाडौ, १२ जेठ । अख्तियार दुरुपयोग अनुसन्धान आयोगका प्रमुख आयुक्त लोकामानसिंह कार्कीको सम्पत्ति विवरण सार्वजनिक गर्न माग अख्तियारमै तेस्रो पटक निवेदन परेको छ । दुई पटकको निवेदनलाई बेवास्ता गरिएको भन्दै भ्रस्टाचारविरुद्धको अभियान नेपालका सुमन श्रेष्ठले अर्को निवेदन दर्ता गराएका हुन ।
श्रेष्ठले करिब दुई महिना पहिले अख्तियारका सूचना अधिकारीलाई निवेदन दिएर कार्कीको सम्पत्ति विवरण माग गरेका थिए ।
त्यसपछि पनि कार्कीले सम्पत्ति विवरण सार्वजनिक नगरेपछि उनले पुनः अर्को निवेदन दर्ता गराएका थिए । त्यसको पनि कुनै सुनुवाई नभएको भन्दै श्रेष्ठले बुधबार, अर्को निवेदन दर्ता गराएका हुन्।
श्रेष्ठले आज विज्ञप्ति जारी गरेर भ्रष्टाचार निवारणका लागि सर्वप्रथम भ्रष्टाचारविरोधी निकायहरू नै पारदर्शी रुपमा चल्नुपर्नेमा त्यसो नगर्दा आशंका उत्पन्न भएको भन्दै सम्पत्ति विवरण सार्वजनिक गर्न देखाएको आनाकानीले उनले नियतमाथि ठूलो नैतिक र कानुनी प्रश्न उठाएको बताएका छन ।

प्रतिक्रिया