सरकारले नै कोहलपुरलाई हरित नगर बनाउने योजना अघि सारेपछि नगरपालिकाले कार्यान्वयन पक्षलाई बलियो बनाउने अभ्यास थालेको नगरपालिकाका कार्यकारी अधिकृत गोविन्दप्रसाद पाण्डेले जानकारी दिनुभयो । कोहलपुरमा बसेको सरोकार भएकाहरुको बैठकले नगरपालिकालाई हरित नगर बनाउन कुनै कसुर बाँकी नराख्ने निष्कर्ष निकालेको छ । पाण्डेका अनुसार कोहलपुरमा ५० हजार बिरुवा रोपिने छ ।

त्यस्तै प्रत्येक घरमा पाँच फलफूलजन्य बिरुवा र जग्गा नभएकाहरुले गमलामा भए पनि फूल रोप्नुपर्ने नियम बनाइएको पाण्डेले बताउनुभयो ।

हरित नगरका लागि सरकारले आव ०७२/७३ मा रु एक करोड विनियोजन गरेको बताइएको छ । सो रकम नगरमा सौर्यबत्ती जडान, वृक्षरोपण र तारजालीमा खर्च गरिने छ ।