इनेप्लिज
२०७२ साउन ३१ गते ११:०४ मा प्रकाशित
दैलेख, ३१ साउन । शनिबार राती पहिरोले घर पुरिँदा आमा छोरीसहित यहाँ तीन जनाको मृत्यु भएको छ ।
पहिरोले घर पुरिएर नारायण नगरपालिका– ६ नमुना वस्तीका २० वर्षीया रुपा बादी तथा तिनका तीन वर्षीया छोरी सपना र दुई वर्षीय छोरा जितको मृत्यु भएको हो । मृतक रुपाका श्रीमान् दीपकबहादुर घाइते भएका छन् । प्रहरी निरीक्षक पुष्कर बहादुर चन्दको नेतृत्वमा गएको टोलीले राति नै घाइतेको उद्धार गरी जिल्ला अस्पताल पुर्याएको थियो ।
पहिरोले घर पुरिँदा तीनै जनाको घटनास्थलमै मृत्यु भएको हो ।
यसैबीच, मृतकका आफन्तजनलाई नेपाल महिला सङ्घ दैलेख जिल्ला अध्यक्ष सीता रानाले सहयोग स्वरुप रु १५ हजार प्रदान गर्नुभएको छ ।
प्रतिक्रिया