इनेप्लिज
२०७२ साउन १९ गते १४:२६ मा प्रकाशित
पोखरा, १९ साउन । गत बुधबार रातिको भीषण वर्षासँगै आएको पहिरोले कास्कीका विभिन्न ठाउँमा आज साँझसम्म मृत्यु हुनेको सङ्ख्या ३७ पुगेको छ ।
जिल्ला प्रहरी कार्यालयका अनुसार लुम्लेमा २७, भदौरे तमागीमा आठ र ढिकुरपोखरीको ठूलीचौरमा दुई जनाको मृत्यु भएको छ ।
बाढीपहिराबाट बेपत्ता भएका भदौरे तमागी गाविसका पाँच वर्षीय विश्वराज पराजुली र १० महिनाका किस्मत सुनारको शव फेवातालको पारि टारीखेत भन्ने स्थानमा पानीमा तैरिरहेको अवस्थामा आज प्रहरीले फेला पारेसँगै पहिराबाट मृत्यु हुनेको सङ्ख्या बढेकोे हो ।
उक्त घटनामा घाइते भएका १६ जनाको पोखराका विभिन्न अस्पतालमा उपचार भइरहेको छ । पहिरामा पुरिएका दुई जना अझै बेपत्ता छन् ।
प्रतिक्रिया