घरभित्रको धुवाँरहित जिल्ला बनाउन चुलो निर्माण अभियान थालिएको हो । सन् २०१७ सम्ममा सबै घरधुरीमा सुधारिएको चुलो निर्माण गरेर जिल्लालाई घरभित्रको धुवाँरहित बनाइने भएको छ ।

हालसम्म जिल्लाको वलने, फाफ्तेप, इम्बुङ, नाँगी, रवी, लुम्फाबुङ, सिदिन र नवमीडाँडा गाविस घरभित्रको धुवाँरहित गाविस घोषित भएका छन् ।

अब मङ्सिरसम्ममा रानिटार, ओयाम, चिलिङदेन, भारपा र पौवासारतापलाई घरभित्रको धुवाँरहित बनाउने योजना रहेको सुधारिएको चुलो प्रवद्र्धन कार्यक्रमका जिल्ला संयोजक इन्द्र गुरुङले बताउनुभयो ।

जिल्लामा ४१ हजार १७६ घरपरिवार छन् । ती सबै घरमा सुधारिएको चुलो अब दुई वर्षमा बनाई सक्नुपर्नेछ । सुधारिएको चुलोमा दाउरा कम खपत हुने, छिटो पाक्ने, धुवाँ बाहिर जानेलगायतका फाइदा रहेको प्रवद्र्धक बताउँछन् ।