शुक्रबार, असार १७ २०७९
काठमाडौं ०१:०८
वासिङटन डिसी 15:23

चालीस जनालाई कृत्रिम अङ्ग प्रदान

इनेप्लिज २०७२ साउन ८ गते ३:३९ मा प्रकाशित

इलाम, ८ साउन । इलाममा अपाङ्गता भएका व्यक्तिलाई कृत्रिम अङ्ग तथा सहायता सामग्री प्रदान गरिएको छ । समुदायमा आधारित पुनः स्थापना कार्यक्रम (सिबिआर) विराटनगरले ४० जनालाई बिहीबार सहायक सामग्री प्रदान गरेको हो ।

अपाङ्गताको क्षेत्रमा क्रियाशील सिबिआर विराटनगरले एक महिनाअघि जिल्ला अस्पताल इलाममा सञ्चालन गरेको अपाङ्गता भएका व्यक्तिका लागि सहायक सामग्री नापजाँच शिविरमा आएका ५६ मध्ये ४० जनालाई सहायक सामग्री प्रदान गरिएको सिबिआर विराटनगरका प्रबन्धक राजेन्द्रकुमार यादवले बताउनुभयो ।

सिबिआरले चारलाई कृत्रिम हातखुट्टा, पाँचलाई विशेष किसिमको कुर्सी र २१ जनालाई अर्थाेसिस सहायक सामग्री प्रदान गरेको हो ।

त्यस्तै बिहीबार सञ्चालन गरिएको शिविरमा ११ जनालाई सामग्री प्रदान गर्न उनीहरुको नापजाँच गरिएको छ । तीमध्ये चारलाई ह्विलचेयर, दुईलाई कृत्रिम हात, एकलाई कृत्रिम खुट्टा र चारजनालाई अर्थाेसिस गरिने छ ।

आगामी भदौमा शिविर सञ्चालन गरी उनीहरुलाई सहायक सामग्री प्रदान गरिने यादवले जनाउनुभयो । हालसम्ममा सिबिआरले पूर्वाञ्चलका एक हजार ११८ जनालाई निःशुल्क सहायक सामग्री प्रदान गरिसकेको छ ।

प्रतिक्रिया