बिहीबार, मंसिर ११ २०७७
काठमाडौं १४:३८
वासिङटन डिसी 03:53

माईपोखरीमा इन्टरनेट सेवा सुरु

इनेप्लिज २०७१ चैत २१ गते २:४९ मा प्रकाशित

internetइलाम, २१ चैत । विश्व सम्पदा सूचीमा सूचीकृत धार्मिक तथा पर्यटकीयस्थल माईपोखरीमा पहिलो पटक इन्टरनेट सेवा सुरु भएको छ ।

स्थानीय होटल सञ्चालक निमदोर्जे शेर्पाले आफ्नो होटल र आसपासका क्षेत्रमा निःशुल्क इन्टरनेट सेवा सुरु गर्नुभएको हो । इन्टरनेट सुविधाबाट वञ्चित हुँदा माईपोखरी पुगेर इलाम सदरमुकामनै फर्कने बाध्यता बोकेका आन्तरिक तथा बाह्य पर्यटकहरुलाई सो सुविधा प्रदान गरेको शेर्पाले बताउनुभयो ।

यसअघि माईपोखरीको अध्ययन–अनुसन्धानमा आउने विज्ञ तथा अनुसन्धानकर्ताले इन्टरनेट सेवा नहुँदा काममा बाधा पुगेको गुनासो गर्दै आएपछि सेवा सुरु गरेको उहाँको भनाइ छ ।

एक महिना अघिदेखि सुरु भएको नेपाल टेलिकमको वाइम्याक्स प्रविधिको इन्टरनेट अहिले दैनिक माईपोखरी भित्रने पर्यटकहरुले प्रयोग गर्न थालेका छन् ।

प्रतिक्रिया