इलाम, २४ फागुन । माईपोखरी–८ का एक युवकको पौडी खेल्ने क्रममा शनिबार ज्यान गएको छ ।
चिसापानी–४ मा रहेको दोलखा हाइड्रोपावरमा मजदुरी गर्दै आएका १९ वर्षीय विनय राईको पौडी खेल्दै गर्दा मृत्यु भएको हो ।
साथीहरुसँग पौडी खेल्न गएका राई पानीमा डुबेका थिए । उनको शव आज बिहान राँगापानीमा फेला पारिएको जिल्ला प्रहरी कार्यालय इलामका प्रहरी निरीक्षक यामबहादुर पौडेलले जानकारी दिनुभयो ।
राईको शव परीक्षणका लागि जिल्ला अस्पताल ल्याइएको प्रहरीले जनाएको छ ।
प्रतिक्रिया