इनेप्लिज
२०७१ फागुन २४ गते १४:०६ मा प्रकाशित
इटहरी, २४ फागुन । नेपाली काँग्रेसकी नेत्री सुजाता कोइरालाले सहमतिमै संविधान जारी हुने विश्वास व्यक्त गर्नुभएको छ ।
सुनसरीको इटहरीमा आज आयोजित पत्रकार सम्मेलनमा उहाँले राजनीतिक दलहरुलाई मिलेर संविधान जारी नगरे मुलुक गम्भीर सङ्कटमा पर्न सक्नेतर्फ सचेत गराउनुभयो ।
मुलुक टुक्र्याउने वा मिलेर बसेको समाजलाई विखण्डित पार्ने कार्य कसैले पनि गर्न नहुने तर्क गर्दै नेत्री कोइरालाले देश र जनतालाई समृद्ध पार्ने संविधान आउनेमा आशङ्का नगर्न पनि आग्रह गर्नुभएको छ ।
वर्तमान सत्ता साझेदार काँग्रेस र एमालेबीच कुनै विमति नभएको जिकिर गर्दै उहाँले संविधान जारी नभएसम्म सरकार परिवर्तन नहुने बताउनुभयो ।
प्रतिक्रिया