शुक्रबार, मंसिर १२ २०७७
काठमाडौं ०९:०७
वासिङटन डिसी 22:22

मरधर सिमसार क्षेत्र अतिक्रमणको चपेटामा

इनेप्लिज २०७१ फागुन १९ गते १:४६ मा प्रकाशित

300px-Rautahat_district_locationरौतहट, १९ फागुन । सम्बन्धित निकायको बेवास्ता तथा अतिक्रमणका कारण रौतहटमा रहेको मरधर सिमसार क्षेत्र अतिक्रमणको चपेटामा पर्न थालेको छ ।

करिब २० वर्षअघिसम्म १० फिट गहिरो तथा पाँच सय मिटरभन्दा बढी लम्बाइ रहेको सिमसार क्षेत्र वरपर बस्ती बसेपछि सिमसार क्षेत्र साँघुरिनुका साथै पुरिँदै गएको छ ।

चन्द्रनिगाहपुरदेखि करिब चार किलोमिटर दक्षिण चन्द्रपुर नगरपालिका–१० मा रहेको मरधर सिमसार क्षेत्र करिब दुई सय वर्ष पुरानो मानिएको छ । करिब २० हेक्टरभन्दा बढी क्षेत्रफल ओगटेको सिमसार क्षेत्र अतिक्रमण हुँदा अहिले करिब १० बिघा क्षेत्रफलमा सिमित हुन पुगेको स्थानीयले बताएका छन् ।

सारस, पानीहाँस, झिल्लालगायतका चरा र साइबेरियन चरा पनि उक्त सिमसार क्षेत्रमा पहिले देखिने गरेता पनि सिमसार अतिक्रमण र चराहरूको शिकार हुन थालेपछि ओझेलमा परेको स्थानीय सर्वसाधारणको भनाइ छ ।
सिमसार क्षेत्र संरक्षणका लागि चन्द्रपुर नगरपालिकाले सर्वपक्षीय समिति बनाएर संरक्षणमा चासो देखाउनुपर्ने मरधर जलाधार तथा सिमसार संरक्षण समितिका सल्लाहकार तुलसी गिरीले बताउनुभयो ।

प्रतिक्रिया