सोमबार यहाँ आयोजित कार्यक्रममा नगरपालिकाका कार्यकारी अधिकृत सुवर्ण घिमिरेले सो बजेट सार्वजनिक गर्नुभएको हो ।

भर्खरै नगरपालिका घोषणा भएको र नगरपालिका क्षेत्रभित्र पूर्व पश्चिम राजमार्गबाहेक राजमार्गसँग जोडिएका भित्रि सडकमा कुनै पनि सडकमा नाली र कालोपत्रे नभएकाले बजेटमा ती सडकलाई पहिलो प्राथमिकता राखेको जानकारी उहाँले दिनुभयो ।

यसैगरी नगरपालिकाले गछिया र बुढीगङ्गा खोलाको सङ्गमस्थलमा रहेको १० विघा जमिनलाई ल्यान्डफिल साइडको रुपमा उपयोग गर्नका लागि यसै वर्ष रु १० लाख बजेट विनियोजन गरेको छ ।
त्यसैगरी पर्यटकीय हसिना सिमसार क्षेत्रको विकासलाई थप व्यवस्थित पार्ने कार्यलाई पनि नगरपालिकाले विशेष प्राथमिकता दिएको जनाएको छ ।