आइतबार, मंसिर १४ २०७७
काठमाडौं ०१:०९
वासिङटन डिसी 14:24

उखुले बजार नपाउँदा किसान चिन्तित

इनेप्लिज २०७१ चैत ३ गते ३:५१ मा प्रकाशित

sugerken-kisanतुलसीपुर (दाङ), ३ चैत । दाङको देउखुरीस्थित गोवरडिहा, गङ्गापरस्पुर, वेला, राजपुर गढवालगायत गाविसमा किसानले उत्पादन गरेको उखुले बजार नपाउँदा किसान मर्कामा परेका छन् ।

उखुखेती गरिरहनु भएका गढवाका किसान महेश यादवले दिनुभएको जानकारीअनुसार त्यस क्षेत्रका ९० जनाभन्दा बढी किसानले सय बिगाहा क्षेत्रफल जग्गामा लगाएको उखुले बजार नपाउँदा चिन्तित बनेका हुन् ।

अहिले किसानले ४०० क्विन्टल उखु काटेर खेतमा राखेका छन् । धेरै वर्षदेखि उखु खरिद गर्दै आएको कपिलवस्तुमा रहेको महालक्ष्मी चिनी मिल बन्द भएपछि किसानलाई बजारको समस्या परेको हो ।

यसैबीच, किसानले आफूहरुले व्यावसायिक रुपमा खेती गरेको उखुको बजारको व्यवस्था मिलाई दिन सरकारसँग माग गरेका छन् । किसानले उत्पादन गरेको उखुको बजारको व्यवस्था मिलाउन दबाब दिने उद्देश्यले रामलक्ष्मण शाहको अध्यक्षतामा सात सदस्यीय सङ्घर्ष समिति पनि गठन गरेको जनाएका छन् ।

प्रतिक्रिया