इनेप्लिज
२०७१ फागुन ३० गते ३:४३ मा प्रकाशित
पुनर्वास (कञ्चनपुर), ३० फागुन । जिल्लाको पुनर्वास नगरपालिका– १ स्थित बिचफाँटा र धनसिंगामा भइरहेको अवैध अफिमको खेती नष्ट गर्ने अभियान प्रहरीले थालेको छ ।
इलाका प्रहरी कार्यालय त्रिभुवनबस्तीको टोलीले भारतीय सीमावर्ती सो ठाउँमा भइरहेको अवैध लागुऔषध अफिमको खेती नष्ट गर्ने अभियान शुक्रबारदेखि थालेको हो ।
शुक्रबार बिचफाँटा गाउँमा २५ स्थानमा लगाइएको करिब पाँच कट्ठा जमिनको अफिम नष्ट गरिएको इलाका प्रहरी कार्यालय त्रिभुवनबस्तीले जनाएको छ ।
ठूलो परिणाममा भइरहेको सो ठाउँको अफिम भारतका विभिन्न सहरमा बिक्री भइरहेको थियो । प्रहरी निरीक्षक नरबहादुर खड्काको नेतृत्वमा परिचालित टोलीले अफिम नष्ट गर्ने अभियान सुरु गरेको हो ।
प्रतिक्रिया