बिहीबार, कार्तिक १३ २०७७
काठमाडौं २२:००
वासिङटन डिसी 12:15

स्वदेशमै बङ्गुरपालन व्यवसाय

इनेप्लिज २०७१ फागुन २५ गते ८:५४ मा प्रकाशित

pig-farmभद्रपुर, २४ फागुन । करिब ३५ वर्ष बेलायतमा सेनाको जागिर खाएर फर्केका झापाका विजय सुब्बाले स्वदेशमै बङ्गुरपालन व्यवसाय थालेका छन् ।

झापा तोपगाछी गाविस–७ केर्खाका सुब्बाले स्वदेशमै बसेर प्रशस्त आम्दानी गर्न सकिन्छ भन्ने धेयले बङ्गुरपालन व्यसाय सुरु गरेका हुन् । उहाँले रु ९० लाख लगानी गरी कञ्जनजङ्घा बङ्गुरपालन फार्म सञ्चालन गरेका छन् । यति धेरै निजी लगानी गरेर यो व्यवसाय गर्ने सम्भवतः सुब्बा झापाकै पहिलो व्यक्ति हुनुहुन्छ ।

दशवटा भाले बङ्गुर राखी उहाँले व्यवसाय सुरु गर्नुभएको हो । पन्ध्र महिनामा एउटा बङ्गुरले तीन पटक बच्चा जन्माउने तथा एक पटकमा १० वटासम्म बच्चा जन्माउने गरेको उहाँ बताउनुहुन्छ । बङ्गुरको बच्चा प्रतिवटा रु पाँच हजारको दरले बिक्री हुने फार्मका सञ्चालक सुब्बाले जानकारी दिनुभयो ।

आफूले विदेशमै तालिम लिएकाले व्यवसाय गर्न कुनै कठिनाई नभएको उहाँ बताउनुहुन्छ । बङ्गुरका लागि दाना बनाउने उद्योग समेत सुब्बा आफैले सञ्चालन गरेका छन् । “एक दिनमा रु १५ हजार खर्च हुन्छ” उहाँले भन्नुभयो । फार्म सञ्चालन गर्दा १५ महिनामा रु एक करोड ५० लाख बराबरको कारोबार गरेको उहाँले बताउनुभयो ।

सोही अवधिमा रु ६७ लाख ५० हजार खर्च भएको सुब्बाको भनाइ छ । एउटा बङ्गुरबाट रु २० हजार आम्दानी गर्न सकिने उहाँले बताउनुभयो । फार्ममा बट्टाई, खरायो, हरिन पाल्नुका साथै बङ्गुरको फोहोरबाट कम्पोष्ट मल समेत बनाइ बिक्री गर्दै आएका छन् । “कम्पोष्ट मल प्रतिकिलो रु एकहजार ५०० सम्ममा बिक्री हुन्छ” सुब्बाको भनाई छ ।

छ जना कामदार रहेको यो फार्मबाट पोखरा, धरान, काठमाडौँसम्म मासुको लागि बङ्गुर पठाउने गरेको छ । सुब्बाले तीन बिघाहा १० कठ्ठा जग्गामा फार्म सञ्चालन गरेका हुन् ।

प्रतिक्रिया