गाउँस्तरीय खानेपानी तथा सरसफाइ समन्वय समिति मुक्लीको शुक्रबार सम्पन्न बैठकले सामाजिक कार्यमा अस्थायी शौचालय अनिवार्य गरेको हो ।

त्यस्तो शौचालय नबनाई सामाजिक कार्य गरेमा त्यस्ता घरपरिवारलाई रु एक हजार ५०० जरिवाना असुल गर्ने पनि समितिले निर्णय गरेको सहजकर्ता पुष्पा राईले जानकारी दिनुभयो ।

अस्थायी शौचालय नहुँदा जथाभावी पिसाव फर्ने गरेको पाइएकाले मानिसको जमघट हुने स्थानमा नै चर्पी निर्माण गर्नुपर्ने निर्णय गरेको उहाँले बताउनुभयो ।

यही फागुन २९ गते खुल्ला दिशामुक्त क्षेत्र घोषणा गर्ने लक्ष्य रहेको सो गाविसमा अब १६ घरधुरीले चर्पी बनाउन बाँकी रहेको कारण उनीहरुलाई फागुण १५ गतेसम्मको समयसीमा समितिले दिएको छ ।