मंगलबार, माघ १३ २०७७
काठमाडौं ०८:४९
वासिङटन डिसी 22:04

शान्ति सम्झौताको एक अभिन्न अङ्ग संविधान: उपप्रधानमन्त्री सिंह

इनेप्लिज २०७१ फागुन ३ गते ७:५७ मा प्रकाशित

prakash-man-singhपुतलीबजार (स्याङ्जा), ३ फागुन । उपप्रधानमन्त्री एवम् स्थानीय विकास मन्त्री प्रकाशमान सिंहले विस्तृत शान्ति सम्झौताको एक अभिन्न पाटो संविधान निर्माण गर्नु रहेको बताउँदै एकीकृत नेकपा माओवादीले सडकबाट संविधान बनाउँछु भन्नु गैरजिम्मेवारीपूर्ण रहेको बताउनुभएको छ ।

स्याङ्जाको मालुङ्गा गाविसमा रहेको प्राथमिक स्वास्थ्य केन्द्रको उद्घाटनका लागि आइतबार यहाँ आउनुभएका उपप्रधानमन्त्री सिंहले नेपाली काँग्रेस कार्यालयमा आयोजित कार्यकर्ता भेटघाट कार्यक्रममा सो कुरा बताउनुभएको हो ।

संविधानसभा निर्वाचनमा भाग पनि लिने, नियमावली पनि बनाउने तर संविधान निर्माणमा सहयोग नगरेका कारण संविधान बन्न नसकेको सिंहले दाबी गर्नुभयो ।

यसैबीच, उपप्रधानमन्त्री सिंहले आइतबार बिहान स्याङ्जा सदरमुकाममा आयोजित कार्यक्रममा सरकारको प्राथमिकता सुशासन भएको हुँदा विकास निर्माणलगायतका सरकारका काम छिटो, छरितो र पारदर्शी रुपमा गर्न गराउनसमेत निर्देशन दिनुभएको छ ।

प्रतिक्रिया