इनेप्लिज
२०७१ फागुन २ गते ३:५७ मा प्रकाशित
जाजरकोट, २ फागुन । प्रहरीले शुक्रबारदेखि जाजरकोटमा पहिलो पटक यातायात समय तालिका कार्ड सुरु गरेको छ ।
जथाभावी गाडी चलाउँदा हुने सडक दुर्घटना न्यूनीकरण गर्न समय तालिका कार्ड सुरु गरिएको हो ।
प्रमुख जिल्ला अधिकारी जगतबहादुर बस्नेत, प्रहरी नायब उपरीक्षक दिनेशराज मैनाली र नागरिक समाजका अध्यक्ष केशवजङ्ग शाहले यातायात समय तालिका कार्ड चालकलाई दिएर यसको सुरुवात गर्नुभएको थियो ।
कार्डमा सडकको लम्बाई र कहाँ पुग्दा कति समय लाग्ने भन्ने कुरा खुलाइएको हुन्छ । समय तालिका कार्ड प्रयोग गर्दा जथाभावी गाडी हुइक्याउनबाट रोकी दुर्घटना कम हुने प्रहरी नायब उपरीक्षक मैनालीले बताउनुभयो ।
प्रतिक्रिया