नेपाल पत्रकार महासङ्घ पाल्पाद्वारा आज आयोजित पत्रकार सम्मेलनमा मन्त्री बस्नेतले नेपालमा विदेशी लागनीकर्ताले रु ८० अर्ब लगानीमा १५० वटा उद्योग सञ्चालन गर्न अनुमति पाएको जानकारी दिनुभयो ।

उहाँका अनुसार स्वदेशी लगानीकर्ताको सवा करोड रुपैयाँको लगानीमा ३०० वटा उद्योग सञ्चालनमा आउने छन् । प्रस्तावित ती उद्योग सञ्चालनमा ल्याउन सकिए युवा विदेश पलायन हुनबाट रोकिने र त्यसका औद्योगिक नीति संशोधन गर्न आवश्यक रहेको उहाँले बताउनुभयो ।

उद्योग मन्त्रालयले १०२ प्रतिशत राजस्व सङ्कलन गर्न सफल भएको पनि उहाँले उल्लेख गर्नुभयो ।