इनेप्लिज
२०७१ माघ १६ गते ३:५४ मा प्रकाशित
बनेपा, १६ माघ । काभ्रेपलाञ्चोक जिल्लाको पनौती नगरपालिका–१० स्थित सुनथानमा गएराति भएको आगलागीबाट एकै परिवारका तीन जनाको मृत्यु भएको छ ।
आगलागीमा परी ३५ वर्षीय विनोद केसी, उनको श्रीमती ३२ वर्षीया भागीरथी र छोरा नौ वर्षीय सुशील केसीको घटनास्थलमै मृत्यु भएको इलाका प्रहरी कार्यालय बनेपाका प्रहरी निरीक्षक दीपक भारतीले जानकारी दिनुभयो ।
आगलागीबाट जस्ताले छाएको पक्की घर पनि क्षतिग्रस्त भएको र घटनाबारे अनुसन्धान भइरहेको जानकारी उहाँले दिनुभयो ।
सो घटनामा परी दुई वटा गाई र बाच्छासमेत मरेको प्रहरीले जनाएको छ ।
प्रतिक्रिया