नेका लमजुङका नेता गुरुङको निधन

काठमाडौँ, १२ माघ । नेपाली काँग्रेस लमजुङका नेता एवम् समाजसेवी तेजबहादुर गुरुङको आज ५१ वर्षको उमेरमा निधन भएको छ ।
उच्च रक्तचापबाट पीडित गुरुङको त्रिवि शिक्षण अस्पतालमा शल्यक्रियापछि आज निधन भएको हो ।
उहाँँको पार्थिव शरीरको आजै स्वयम्भूमा गुरुङ परम्पराअनुसार अन्तिम संस्कार गरियो । उहाँको पार्थिव शरीरमा नेका क्षेत्र नं १ का सभापति विष्णुप्रसाद धितालले पार्टीको झण्डा ओढाएर अन्तिम श्रद्धाञ्जलि अर्पण गर्नुभएको थियो ।
भलायखर्क–७ का गुरुङका श्रीमती, तीन छोरी र एक छोरा छन् ।