एक जिल्ला,एक औद्योगिक केन्द्र स्थापना गरिनेः उद्योग मन्त्री

नुवाकोट, ११ माघ । उद्योग मन्त्री महेश बस्नेतले ‘एक जिल्ला, एक औद्योगिक केन्द्र’ को स्थापना गर्न सरकार अन्तिम तयारीमा रहेको बताउनुभएको छ ।

पश्चिम वाग्मतीका युवा उद्यमीसँगको अन्तरक्रियामा आज मन्त्री बस्नेतले बढ्दो बेरोजगार समस्या समाधान र स्वदेशी उत्पादन बढाउन एक जिल्ला एक उत्पादन केन्द्रको विकास गर्न सरकारले आवश्यक नीति निर्माण गरिरहेको उल्लेख गर्नु भयो ।

उहा“ले मुलुकमा खानी, पानी र जनशक्ति भए पनि उद्योगको विकास नहुँदा मुलुकको ठूलो रकम बाहिरिन गएको छ भन्नु भयो ।

कार्यक्रममा पश्चिम वाग्मतीका उद्योगीले लगानी मैत्री वातावरण नहुँदा नयाँ व्यवसाय फष्टाउन नसकेको गुनासो गरेका थिए । व्यवसायीले स्थानीय उत्पादनले बजार पाउन नसकेकाले कार्यान्वयनमुखी स्वदेशी वस्तु निर्देशिकाको माग गरेका छन् ।