पोल्यान्डमा राष्ट्रवादी उम्मेदवार क्यारोल नावरोक्कीले राष्ट्रपति चुनावमा सानो अन्तरले जित हासिल गर्दै युरोपेली संघ समर्थक सरकारलाई ठूलो राजनीतिक धक्का दिएका छन्। निर्वाचन आयोगका अनुसार नावरोक्कीले ५०.८९% मत प्राप्त गरे।

यो परिणाम अमेरिकी राष्ट्रपति डोनाल्ड ट्रम्पबाट प्रेरित युरोपेली राष्ट्रवादी धारको लागि विजयको रूपमा हेरिएको छ। यसले प्रधानमन्त्री डोनाल्ड टस्क नेतृत्वको उदारवादी सरकारलाई राजनीतिक अवरोध थप्ने अपेक्षा गरिएको रोयटर्सले जनाएको छ ।

पराजित उम्मेदवार र वार्साका नगर प्रमुख राफाल त्रास्वोस्कीले भने, “मैले मेरो दृष्टिकोणबाट बहुसंख्यक जनतालाई विश्वस्त पार्न नसकेकोमा दुःख लागेको छ।” उनले नावरोक्कीलाई बधाई दिएका छन्।

पश्चिमी युरोपको समर्थक टस्क सरकारविरुद्धको जनमत संग्रहमा जित हासिल गरिएको भन्दै प्रमुख विपक्षी दल पिआइएसका सांसद ज्याचेक सासिनले सामाजिक सञ्जालमा लेखेका छन्।

नावरोक्की, एक इतिहासकार र मुक्केवाज प्रेमी, न्याय प्रणाली सुधार तथा गर्भपतन कानून उदार बनाउने प्रयासहरूमा अवरोध गर्ने अपेक्षा गरिएको छ।

चुनाव परिणामसँगै पोल्यान्डको मुख्य स्टक सूचकांकमा २% गिरावट आएको छ। यो निर्वाचन परिणामले पोल्यान्डको राजनीतिक भविष्य अझै अनिश्चित बनाएको छ।