अमेरिकी संघीय न्यायाधीश स्टेफनी हेन्सले मंगलबार पेन्सिलभेनियामा दिएको ऐतिहासिक फैसला अनुसार राष्ट्रपति डोनाल्ड ट्रम्पद्वारा आप्रवासी गिरोह सदस्यहरूलाई निष्कासन गर्न प्रयोग गरिएको १७९८ को बिदेशी शत्रु ऐन पूर्ण रूपमा कानुनी रहेको ठहर गरिएको छ।

तर न्यायाधीशले प्रशासनलाई पर्याप्त सूचना नदिएको भन्दै प्रक्रिया सुधार गर्न निर्देशन दिएकी छन्।

यो फैसला दुई अन्य संघीय न्यायाधीशहरूको ठहरसँग विरोधमा छ, जसले ट्रम्पको बिदेशी शत्रु ऐन प्रयोगलाई असंवैधानिक भनेका थिए।

ट्रम्प प्रशासनले बिदेशी शत्रु ऐन प्रयोग गरी गैर-नागरिक गिरोह सदस्यहरूलाई “संयुक्त राज्यमाथि आक्रमण गर्ने आपराधिक संकर राज्य” भनी व्याख्या गर्दै तुरुन्तै निष्कासन गर्ने नीति अपनाएको थियो।

न्यायाधीश हेन्सले आफ्नो आदेशमा लेखिन्, “राष्ट्रपति ट्रम्पको घोषणा बिदेशी शत्रु ऐनको मापदण्डसँग मेल खान्छ,” तर उनले चेतावनी दिँदै भनिन्, “निष्कासन गरिनुअघि सम्बन्धित व्यक्तिलाई स्पष्ट र समयमै जानकारी दिन आवश्यक छ।”

राष्ट्रपति ट्रम्पको घोषणालाई आधार मान्दै अमेरिकी विदेशसचिव मार्को रुबियोले भेनेजुएलाको कुख्यात आपराधिक गिरोह ट्रेन डे आरागुवालाई विदेशी आतङ्ककारी संगठन घोषणा गरेका थिए, जसलाई ट्रम्पले “माडुरो शासनको गोप्य निर्देशनमा काम गर्ने” गिरोह भनेका छन्।

तर, न्यायाधीश हेन्सले स्पष्ट गरिन्— प्रशासनले आप्रवासी बिदेशी शत्रु ऐन नामक व्यक्तिलाई निष्कासन गर्न २१ दिनको पूर्व सूचना दिनुपर्नेछ। अंग्रेजी र स्पेनिस दुवै भाषामा र उनलाई आफ्नो पक्ष राख्ने मौका समेत दिनु पर्नेछ।

यो फैसला ट्रम्प प्रशासनको आप्रवासी नीतिमा ठूलो कानुनी विजयका रूपमा हेरिएको छ।