अमेरिकाको न्यूजर्सी राज्यको नेवार्क विमानस्थलबाट उडान भर्ने क्रममा चरासँग ठोक्किएपछि सामान बोक्ने फेडएक्सको विमानमा आगलागी भएको छ ।

फेडएक्सका अनुसार फेडएक्स उडान ३६०९ ले आपतकालीन घोषणा गर्‍यो । अधिकारीहरूका अनुसार शनिबार बिहान सुरक्षित रूपमा नेवार्क फर्कियो। कुनै चोटपटक नलागेको जनाएको छ ।

अधिकारीहरूका अनुसार नेवार्कबाट इन्डियानापोलिस जाँदै गरेको फेडएक्स कार्गो विमानले शनिबार बिहान उडान भर्ने क्रममा चरालाई ठक्कर दियो।

संघीय उड्डयन प्रशासनले एक विज्ञप्ति जारी गरि फेडएक्स उडान ३६०९ ले प्रस्थान गर्ने क्रममा चरालाई ठक्कर दियो, जसले गर्दा बोइङ ७६७ को एउटा यन्त्र लाई क्षति पुर्‍याएको छ ।

बिहान ८:०७ बजे विमानले नेवार्क लिबर्टी अन्तर्राष्ट्रिय विमानस्थलमा आपतकालीन अवतरण गरेको थियो । विमानस्थलमा सुरक्षित अवतरण गरेपछि संघीय उड्डयन प्रशासनले घटनाको अनुसन्धान गरिरहेको छ।