ट्रम्प प्रशासनको कृषि विभागले अवैध आप्रवासीहरूले पाई रहेको पूरक पोषण सहायता कार्यक्रम (फुड स्टाम्प अर्थात् सामाजिक सहायता कार्यक्रम) प्राप्त गर्न नपाउने सुनिश्चित गर्न नयाँ कदम चालेको छ।

फक्सन्यूजका अनुसार कृषि सचिव ब्रुक एल. रोलिन्सले फूड एन्ड न्यूट्रिशन सर्भिस (एफएनएस ) लाई स्पष्ट रूपमा नियम पालना गराउन निर्देशन दिएका छन् जसले अमेरिकी नागरिक र कानुनी आप्रवासीहरूलाई मात्र यी सुविधाहरू उपलब्ध गराउने छ।

ट्रम्पको फेब्रुअरी १९ को कार्यकारी आदेशलाई कार्यान्वयन गर्नका लागि यो निर्देश जारी गरिएको हो, जसको उद्देश्य करदाताहरूको पैसा अवैध आप्रवासनलाई प्रोत्साहित गर्न प्रयोग हुन नदिनु हो।

यसै सन्दर्भमा रिपब्लिकनहरूले खाना सेवाधोखाधडीबारे लामो समयदेखि चिन्ता व्यक्त गर्दै आएका छन्। सिनेटर जोनी अर्न्स्टले पूरक पोषण सहायता कार्यक्रममा अनियमितता हटाउन कानुन प्रस्ताव गर्दै राज्यहरूलाई जिम्मेवार बनाउने, त्रुटि दर नियन्त्रण गर्ने, र अनधिकृत भुक्तानीहरू पुनः प्राप्त गर्ने नीति लागू गर्नुपर्ने बताएका छन्।

पूर्व ट्रम्प सीमा जार टम होम्यानका अनुसार अवैध आप्रवासीहरूले विभिन्न सरकारी सुविधाहरू जस्तै खाना सहायता प्राप्त गरिरहेकाले उनीहरूलाई अमेरिका आउन प्रोत्साहन मिलेको छ। उनले यसलाई दशकौँ देखि चलिरहेको समस्या भनेका छन्।

दीर्घकालीन असरहरू:

यदि सरकार सामाजिक सहायता कार्यक्रमलाई कडा रूपमा सीमित गर्छ भने यसले अवैध आप्रवासीहरूलाई अमेरिका आउनबाट रोक्न सक्नेछ।

तर दीर्घकालीन रूपमा यदि यी आप्रवासीहरू गैरकानुनी रूपमा बस्न जारी राखे र अवैध श्रममा संलग्न भए भने यो समस्या समाधान गर्न कठिन हुन सक्छ।