एरिजोनाका एक पुरुषलाई आफ्नी १ वर्षीया छोरीलाई बालिकाकी आमाको अगाडि गोली हानी हत्या गरेको आरोप लगाईएको छ ।

एरिजोनाको एक बृहत निर्णायक समिति (ग्रान्ड जूरी)ले एक पुरुषलाई आफ्नी १ वर्षीया छोरीलाई गोली हानेको आरोप लगाएको छ । अभियोजकहरूले शिशु बालिकाकी आमाको अगाडि एआर-शैलीको राइफलले उनले यो अपराध गरेको बताएका छन्।

यस महिनाको सुरुमा जारी गरिएको अभियोगपत्रमा २७ वर्षीय एडम जोसेफ मोन्टोयालाई दुईवटा गम्भीर अपराध लगाईएको छ । एक दोस्रो-श्रेणी हत्या र बाल दुर्व्यवहारको आरोप लगाइएको छ। मोन्टोयाले आफू निर्दोष भएको बताएका छन् ।

नाभाजो काउन्टी वकिलको कार्यालयले एक विज्ञप्तिमा अनुसार फेब्रुअरी ३ मा फिनिक्सबाट १८० माइल उत्तरपूर्वमा रहेको सानो पहाडी समुदाय शो लोको एक घरमा गोलाबारी भएको थियो ।

आपतकालीन प्रतिक्रियाकर्ताहरूले १३ महिनाकी शिशुलाई शो लोको एक अस्पतालमा लगे जहाँ उनलाई मृत घोषित गरिएको अभियोजकहरूले बताएका छन्।

मोन्टोयालाई १० लाख डलरको धरौटीमा राखिएको छ। शेरिफको कार्यालयका अनुसार उनलाई मार्च ६ मा नाभाजो काउन्टी अदालतमा परीक्षण सुनुवाइ तय गरिएको छ।

शो लो शहर लगभग १२,००० जनसंख्या भएको ह्वाइट माउन्टेनको सबैभन्दा ठूलो शहर हो।