अमेरिकी अध्यागमन तथा भन्सार प्रवर्तन बिभागले अमेरिकामा गैरकानूनी प्रवेशको इतिहास भएका ५ अवैध आप्रवासीहरूलाई पक्राउ गरेको छ । प्रकाउ परेका ५ जना सबै आफ्नो देश फर्काइता पनि पुन गैर कानुनी रुपमा अमेरिका प्रवेश भएको आइसिइले बताएको छ ।

अहिले सम्म आइसिइले कति जना कागजात नभएकालाई पक्राउ गरिएको बारेमा अध्यावधिक गरेको छैन । करिव ८ हजार लाई पक्राउ गरे पछि कुनै पनि संख्या थप गरिएको देखिएको छैन । कुनै पनि तस्बिरहरु हाल सार्वजनिक गरेको छैन ।

पछिल्लो अध्यावधिकमा आइसिइले ५ जना पक्राउ गरेको र उनीहरुको नाम,उमेर र उनीहरुले अमेरिकामा गरेका क्रियाकलाप समेत प्रकाशित गरेको छ ।

आइसिइका अनुसार ग्वाटेमालाका नागरिक ५१ वर्षीय फर्नान्डो निमाकाची मात्जारलाई जनवरी २९ मा वाशिंगटनको ल्याङ्लीमा पक्राउ गरिएको थियो । अव्यवस्थित आचरण र आक्रमणको लागि दोषी ठहर गरिएको थियो, साथै पहिले दुई पटक आफ्नो गृह देशमा पठाइएको थियो।

त्यस्तै होन्डुरसका नागरिक ४० वर्षीय ओलिन रानुल्फो नाभारो-भ्यालेलाई जनवरी २९ मा ओरेगनको शेरिडानमा पक्राउ गरिएको थियो । ओरेगन जिल्लाको लागि अमेरिकी जिल्ला अदालतमा अवैध पुन: प्रवेशको लागि दोषी ठहराइएको थियो । उनलाई पनि पहिले आफ्नो गृह देशमा पठाइएको थियो।

यसै गरि ग्वाटेमालाका नागरिक ३० वर्षीय मिगुएल टोमस-एन्टोनियोलाई फेब्रुअरी १ ​​मा वाशिंगटनको फर्न्डेलमा पक्राउ गरिएको थियो । एन्टोनियोलाई पनि पहिले नै आफ्नो गृह देशमा पठाइएको थियो।

प्रकाउ पर्ने मध्ये कै एल मेक्सिकोका ५६ वर्षीय नागरिक एक्सिक्विल क्वेजाडा-सान्चेजलाई फेब्रुअरी १ ​​मा वाशिंगटनको फर्न्डेलमा पक्राउ गरिएको थियो । उनलाई पनि पहिले नै उनको गृह देशमा पठाइएको थियो।

त्यस्तै ग्वाटेमालाका नागरिक गिल्बर्टो फ्रान्सिस्को लोरेन्जो, ४४ वर्षीय गिल्बर्टो फ्रान्सिस्को लोरेन्जोलाई फेब्रुअरी १ ​​मा ओरेगनको पोर्टल्याण्डमा पक्राउ गरिएको थियो, जसलाई अमेरिकी जिल्ला अदालतलेअवैध पुन:प्रवेशको लागि एरिजोना जिल्लामा दोषी ठहराएको थियो,। उनलाई पनि पहिले नै उनको गृह देशमा पठाइएको थियो।

सबै पाँचै जनालाई हटाउने कार्यवाही नभएसम्म आईसिइ हिरासतमा राखिने अमेरिकी अध्यागमन तथा भन्सार प्रवर्तन बिभागले जनाएको छ ।