रूसी र युक्रेनी प्रतिनिधिमण्डलबीच इस्तानबुलमा सम्पन्न बैठकमा दुवै पक्षले एक महत्वपूर्ण सहमतिमा पुगेका छन्। 

अब ‘सबैका लागि सबै’ भनिने व्यापक कैदी साटासाट हुनेछ भने करिब ६,००० जना सैनिकको शव फिर्ता गरिने सहमति भएको छ।

यद्यपि, युक्रेनी प्रतिनिधिमण्डलले मस्कोले अझै पनि बिना सर्त युद्धविराम प्रस्ताव अस्वीकार गरिरहेको आरोप लगाएको छ। 

किभले  जुनको अन्त्यसम्ममा थप प्रगति गर्न नयाँ बैठकको प्रस्ताव पनि अघि सारेको छ।

यो सहमति दुई पक्षबीचको संवादमा महत्त्वपूर्ण अग्रसरता मानिए पनि स्थायी युद्धविरामका लागि अझै धेरै कूटनीतिक प्रयास आवश्यक देखिन्छ।