ट्रम्पले गाजा कब्जा प्रस्ताव गरे पछि साउदी अरेबियाले प्यालेस्टिनी राज्यको लागि “अटल” समर्थन दोहोर्‍याएको छ ।

अमेरिकी राष्ट्रपति डोनाल्ड ट्रम्पले इजरायली प्रधानमन्त्री बेन्जामिन नेतान्याहूसँगको पत्रकार सम्मेलनमा गाजा भूभाग “कब्जा” गर्ने आफ्नो मनसाय दोहोर्‍याएपछि बुधबार साउदी अरेबियाले प्यालेस्टिनी राज्यको लागि आफ्नो “अटल” समर्थन दोहोर्‍याएको छ ।

साउदी विदेश मन्त्रालयले प्यालेस्टिनी राज्यको प्रत्याभूति बिना इजरायलसँग सम्बन्ध सामान्यीकरण गर्न प्रतिबद्ध नहुने आफ्नो लामो समयदेखिको अडान पनि दोहोर्‍यायो ।

“साउदी अरेबियाले पूर्वी जेरुसेलमलाई राजधानी बनाएर स्वतन्त्र प्यालेस्टिनी राज्य स्थापना गर्न आफ्नो अथक प्रयास जारी राख्नेछ, र त्यस बिना इजरायलसँग कूटनीतिक सम्बन्ध स्थापना गर्नेछैन,” सामाजिक संजाल एक्समा रहेको विज्ञप्तिमा भनिएको छ।

मन्त्रालयले “प्यालेस्टिनी भूमिमा इजरायली कब्जाको अन्त्य” को पनि माग गरेको छ ।

“पहिले पूर्व र वर्तमान अमेरिकी प्रशासन दुवैलाई स्पष्ट पारिएको जस्तै, अन्तर्राष्ट्रिय प्रस्तावहरू अनुसार प्यालेस्टिनी जनताले आफ्नो वैध अधिकार प्राप्त नगरेसम्म दिगो र न्यायपूर्ण शान्ति प्राप्त गर्नु असम्भव छ,” बिज्ञप्तिमा जनाईएको छ ।

यसअघि, ट्रम्प र नेतान्याहू दुवैले भविष्यमा इजरायल र साउदी अरेबियाले सम्बन्ध सामान्य बनाउने विश्वास व्यक्त गरेका थिए। इजरायली प्रधानमन्त्री बेन्जामिन नेतान्याहूले दुई मध्यपूर्वी राष्ट्रहरू बीच शान्ति “हुनेछ” भनेका थिए।