राष्ट्रपति डोनाल्ड ट्रम्पले अमेरिकाले गाजालाई ‘कब्जा’ गर्ने र स्वामित्व लिने भने पछि हमासले कडा जवाफ दिएको छ ।

अमेरिकी राष्ट्रपति डोनाल्ड ट्रम्पले गत मंगलबार अमेरिकाको भ्रमणमा रहेका इजरायली प्रधानमन्त्री बेन्जामिन नेतान्याहूसँगको पत्रकार सम्मेलनमा अमेरिकाले गाजा भूभाग कब्जा गर्नेछ र हामी यसको स्वामित्व लिनेछौं भने पछि हमासले कडा जवाफ दिएको हो ।

पत्रकारहरुलाई ट्रम्पले भूमिमा रहेका सबै खतरनाक नपढकिएका बम र अन्य हतियारहरू भत्काउने जिम्मेवारी लिनेछौं समेत भने।

ट्रम्पको टिप्पणीले अमेरिकी राष्ट्रपतिको क्षेत्रको “गहिरो अज्ञानता” प्रतिबिम्बित गर्दछ र इजरायलको पक्षमा अमेरिकी पक्षपात पुष्टि गर्दछ ,हमासका प्रवक्ता इज्जत अल-रिश्कले भने ।

गाजा कुनै पनि पक्षले नियन्त्रण गर्ने निर्णय गर्ने साझा भूमि होइन, बरु यो हाम्रो कब्जा गरिएको प्यालेस्टिनी भूमिको अंश हो, र प्यालेस्टिनी जनताको अधिकार प्राप्त गर्नेमा आधारित हुनुपर्छ ,घर जग्गा व्यापारीको मानसिकता र शक्ति र प्रभुत्वको मानसिकतामा होइन,” उनले भने।

प्यालेस्टिनी राष्ट्रिय पहलका महासचिव डा. मुस्तफा बरघौतीले भने, “ट्रम्पको टिप्पणी र सुझावहरू अन्तर्राष्ट्रिय कानूनको पूर्ण उल्लङ्घन हुन्।”