राष्ट्रपति डोनाल्ड ट्रम्पको अनुसन्धान र जनवरी ६ को अनुसन्धानमा काम गर्ने एफबीआईका गुप्तचरहरू बर्खास्तीमा पर्ने भएका छन् । जनवरी ६ को संसद भवन (क्यापिटल )दंगाको बिभाग (ब्यूरो)को अनुसन्धान र राष्ट्रपति ट्रम्पको वर्गीकृत अभिलेख (रेकर्ड)हरू प्रबन्ध (ह्यान्डल) गर्ने र २०२० पछिको चुनाव आचरणको संघीय अनुसन्धानमा काम गर्ने एफबीआई गुप्तचर (एजेन्ट)हरूलाई शुक्रबार हुने बित्तिकै बर्खास्त गर्न सकिने यस विषयमा परिचित धेरै स्रोतहरूले सिबीएस न्यूजलाई पुष्टि गरेको समाचारमा उल्लेख छ ।

सम्भावित कर्मचारी परिवर्तनहरू न्याय विभागले सुरु गरेको थियो भने जसले एफबीआई नेतृत्वलाई जानकारी गराएको थियो। हाल कार्यवाहक महान्यायाधिवक्ता जेम्स म्याकहेनरी र कार्यवाहक उप-जनरल एमिल बोभले न्याय विभागको नेतृत्व गरिरहेका छन्।

यी कदमहरूले न्याय विभाग र एफबीआई भित्रका कर्मचारीहरूको निरन्तर सफाइलाई विस्तार गर्नेछ । शीर्ष अधिकारीहरूलाई सोमबारसम्ममा अवकाश लिन, राजीनामा दिन वा बर्खास्त गर्न भनिएको छ।

सरकारी अधिकारीहरूले कसलाई बर्खास्त गर्ने र प्रभावित गुप्तचरहरूको संख्या बढ्न सक्ने निर्धारण गर्न अनुसन्धानमा काम गर्ने एफबीआई गुप्तचरहरूको सूची समीक्षा गरिरहेका दुई स्रोतहरूले सिबिएसन्यूजलाई बताएका छन् ।

राजीनामा दिने वा बर्खास्त गर्ने सूचना प्राप्त गर्ने वरिष्ठ एफबिआई अधिकारीहरूमा वाशिंगटन, डिसीमा रहेको एफबिआई मुख्यालयमा कार्यकारी सहायक निर्देशक स्तरका अधिकारीहरू र देशभरका एफबिआई क्षेत्रीय कार्यालयहरूका धेरै प्रमुखहरू समावेश छन्।

त्यस्तै मायामी र लस भेगास कार्यालयहरूको जिम्मेवारीमा रहेका विशेष गुप्तचरहरू, साथै वाशिंगटन क्षेत्रीय कार्यालयहरूको जिम्मेवारीमा रहेका सहायक निर्देशकहरूले पनि सूचना प्राप्त गरेका छन् । यी गुप्तचरहरूले अवकाश स्वीकार गर्ने अपेक्षा गरिएको छ।