चीनमा वर्षौंदेखि थुनामा रहेका ३ अमेरिकीलाई रिहा गरिएको ह्वाइट हाउसले जनाएको छ।

चीनमा कैदमा परेका तीन अमेरिकीलाई वर्षौंको नजरबन्दपछि रिहा गरिएको ह्वाइट हाउसले बुधबार जनाएको छ । 

राष्ट्रिय सुरक्षा परिषद्का प्रवक्ताका अनुसार मार्क स्विदान, काई ली र जोन लेउङलाई रिहा गरिएको छ।

उनीहरू चाँडै फर्कनेछन् र धेरै वर्षमा पहिलो पटक आफ्नो परिवारसँग पुनर्मिलन हुने उनले बताए ।

बाइडेन प्रशासनले बारम्बार चिनियाँ अधिकारीहरूसँग गलत तरिकाले अमेरिकीहरूलाई हिरासतमा राखेको मुद्दा उठाएको थियो ।

राष्ट्रपति जो बाइडेनले नोभेम्बरको सुरुमा पेरुको लिमामा भएको एशिया-प्रशान्त आर्थिक सहयोग शिखर सम्मेलनमा भेट हुदा यस बिषयना चिनियाँ राष्ट्रपति सी जिनपिङसँग यस विषयमा कुरा गरेका थिए ।

अमेरिकी विदेश सचिव एन्टोनी ब्लिन्केन र राष्ट्रिय सुरक्षा सल्लाहकार जेक सुलिभानले हालैका महिनाहरूमा धेरै बैठकहरूमा गलत रूपमा हिरासतमा रहेका अमेरिकीहरूलाई रिहा गर्ने बारे विदेशमन्त्री वाङ यीसँग कुरा गरेका थिए।

मार्क स्विदान सन् २०१६ देखि चीनमा हिरासतमा छन्।

टेक्सासका ४८ वर्षीय व्यापारी स्विदानलाई चीनमा मृत्युदण्ड दिइएको थियो। लागुऔषध ओसारपसारको आरोप लागेपछि उनी २०१२ देखि कारागारमा थिए । स्विदानले उक्त आरोपलाई अस्वीकार गरेको छन्।

६० वर्षीय लीलाई सेप्टेम्बर २०१६ देखि चिनियाँ कारागारमा राखिएको छ। चीनमा थुनामा परेकाहरूलाई रिहा गर्न दबाब दिने मानव अधिकार समूह डुई हुआ फाउन्डेसनका कार्यकारी निर्देशक जोन कामका अनुसार जेलमा उनलाई मस्तिष्कघात भएको थियो।   

७८ वर्षीय लेउङलाई २०२१ मा पक्राउ गरिएको थियो र मे २०२३ मा जासुसी गरेको आरोपमा आजीवन कारावासको सजाय सुनाइएको थियो।

लीको रिहाइलाई सम्बोधन गर्दै एक विज्ञप्तिमा, सिनेटका बहुमत नेता चक शुमरले श्बाइडेनको “राष्ट्रपति सीसँगको व्यक्तिगत संलग्नता” लाई तीन व्यक्तिहरुतो रिहाईको श्रेय दिएका छन्।

ठगीको आरोपमा १८ वर्षदेखि कारागारमा परेका ६८ वर्षीय अमेरिकी पास्टर डेभिड लिनलाई चीनले सेप्टेम्बरमा रिहा गरेको थियो।