इरानले इजरायली सैन्य स्थल (साइट)हरू भन्दा बाहिरका लक्ष्यहरूमा आक्रमण गर्न सक्ने एक अधिकारीले सिएनएनलाई बताएका छन् ।

इरानले कुनै पनि इजरायली आक्रमणलाई बलपूर्वक जवाफ दिनेछ,इरानका संसद सदस्य तथा राष्ट्रिय सुरक्षा तथा विदेश नीति आयोगका प्रवक्ता इब्राहिम रेजाईले सिएनएनलाई भने।

उनको देशले इजरायली सैन्य स्थानहरूभन्दा बाहिरका स्थलहरूलाई लक्षित गर्न रोज्न सक्छ। “हामीसँग धेरै क्षेप्यास्त्रहरू छन्,” प्रवक्ताले चेतावनी दिए।

“इजरायलमा गरिएको हालसालैको आक्रमणमा हामीले सैन्य स्थलहरूलाई मात्र लक्षित गर्यौं,” रेजाईले सिएनएनलाई भने। “त्यहाँ अन्य लक्ष्यहरू छन् जुन हामीले आक्रमण गर्न सक्छौं, हामीसँग त्यसो गर्ने क्षमता छ।”

“हाम्रो प्रतिक्रिया सशक्त र कडा हुनेछ,” उनले भने । डमास्कसमा इरानको कूटनीतिक भवनमा अप्रिलमा भएको आक्रमण जस्तै अन्य देशहरूमा इरानी हितहरूमा आक्रमणलाई इरानी भूमिमा आक्रमणको रूपमा व्यवहार गरिनेछ।

रेजाईले संयुक्त राज्य अमेरिकाले इजरायललाई आफ्नो सैन्य समर्थन रोक्न र गाजामा युद्धविराम तर्फ पहल गर्नु पर्छ । इरानले अक्टोबर १ मा प्रहार गरेको क्षेप्यास्त्रको जवाफमा इजरायली आक्रमणको तयारी गरिरहेको छ।

इजरायलका प्रधानमन्त्री बेन्जामिन नेतन्याहुले इरानले आफ्नो आक्रमणको मुल्य चुकाउने बताएका छन् । अमेरिकाले समर्थन गर्ने वाचा गरेको छ।