न्यूयोर्क शहरका नगर प्रमुख (मेयर )एरिक एडम्सलाई ठगीको आरोप लगाइएको छ। उनले अनुचित अभियान योगदानमा १० मिलियन डलर लिएको समेत आरोप लगाईएको छ ।

तर एडम्सले आरोपहरूसँग लड्ने र राजीनामा नगर्ने बताए ।

बिहीबार बिहान एडम्सलाई अनुचित लाभ, अवैध अभियान योगदान र लुकाउने प्रयासमा जोडिएको कथित लामो समयदेखि चलिरहेको षड्यन्त्रमा पाँचवटा गणनाको आरोप लगाइएको छ।

६४ बर्षिय एडम्स बिधुतिय (तार )धोखाधडीको एक गणना, षड्यन्त्रको एक गणना, एक विदेशी नागरिकबाट योगदान(चन्दा)को लागि अनुरोधको दुई गणना र घुसखोरीको एक गणनाको सामना गर्नु पर्ने भएको छ । दोषी ठहरिएमा उनले कारागार सजाय समेत पाउने छन् ।

एडम्स जो २०२१ मा निर्वाचित भएका थिए । उनलाई शुक्रबार दिउँसो संघीय मजिस्ट्रेट समक्ष पेश गरिने अदालतले जनाएको छ । धेरै आरोपहरू एडम्सको धनाढ्य विदेशी व्यापारीहरू र टर्कीका अधिकारीहरूसँगको सम्बन्धसँग सम्बन्धित छन्।

अभियोजकहरूका अनुसार एडम्सले अनुचित लाभहरूमा १ लाख डलर भन्दा बढी स्वीकार गरेका छन् । एडम्सको २०२१ को नगर प्रमुख अभियानले सार्वजनिक कोषमा १० मिलियन डलर भन्दा बढी प्राप्त गरेको आरोप लगाइएको छ।

एडम्सले आफ्नो निर्दोषता कायम राख्दै र आरोपहरू विरुद्ध लड्ने वाचा गर्दै समर्थकहरूको समूहको साथमा अभियोग खोलिएको केही समय पछि पत्रकारहरुलाई सम्बोधन गरे।

“म न्यु योर्कवासीहरूलाई कुनै पनि निर्णय गर्नु अघि हाम्रो प्रतिरक्षा सुन्न आग्रह गर्दछु,” उनले पत्रकार सम्मेलनमा भने । एडम्सले आफ्नो कर्तव्यको सेवा जारी राख्ने वाचा गरे। “मेरो दैनिकी परिवर्तन हुने छैन,” उनले भने।

“मलाई चिन्ने सबैलाई थाहा छ म चुनावी नियमहरू पालना गर्छु र म कानूनको पालना गर्छु,” उनले धेरै पटक दोहोर्याए। न्यूयोर्कको दक्षिणी जिल्लाका लागि अमेरिकी अधिवक्ता डेमियन विलियम्सले एडम्सले वर्षौंसम्म जानीजानी ती कानूनहरू उल्लङ्घन गरेको आरोप लगाए।

“अमेरिकी अधिवक्ता डेमियन विलियम्सका अनुसार कम्तिमा २०१६ को सुरुमा अज्ञात बिलाशिता यात्रा लाभहरू एडम्सले स्वीकार गर्न थालेको आरोप लगाए । उनले २०२१ सम्म लगभग हरेक वर्ष यी लाभहरू लिए,” उनले भने।

उपहारहरू १ लाख डलर भन्दा बढीका मूल्यवान थिए र यो कुनै पनि खुलासा गरिएको थिएन ।जब उनी ब्रुकलिन बरोका अध्यक्ष थिए, जनवरी २०१९ मा टर्कीमा यात्रा गर्दा कथित रूपमा विदेशी अभियान योगदान(चुनावी दौडको लागि दान)हरू अनुरोध गरेका थिए ।