अमेरिकाले रुसी साङ्गणिक सुरक्षा तन्त्रांश (साइबरसेक्युरिटी सफ्टवेयर) लाई प्रतिबन्ध लगाएको छ ।

रुसले क्यास्परस्की ल्याब सफ्टवेयर नामाक उक्त तन्त्रांश(सफ्टवेयर) मार्फत अमेरिकालाई निशाना बनाउने प्रयास गर्न सक्ने अधिकारीहरूलाई डर भएको एबिसीन्यूजले जनाएको छ ।

बाइडेन प्रशासनले तन्त्रांश (सफ्टवेयर)मा रूसी सरकारको कथित प्रभाव संचालन (अपरेशन)को कारणले संयुक्त राज्य अमेरिकामा रूसी-समर्थित साइबर सेक्युरिटी सफ्टवेयर(साङ्गणिक सुरक्षा तन्त्रांश )को प्रयोगमा पूर्ण प्रतिबन्ध जारी गरिरहेको अमेरिकी वाणिज्य विभागले बिहीबार घोषणा गरेको छ ।

कास्परस्की प्रयोगशालाको ल्याबको तन्त्रांश (सफ्टवेयर )कम्तिमा २०१७ देखि अमेरिकी सरकारी अधिकारीहरूको चिन्ताको विषय बनेको छ। रुसी कानून अन्तर्गत तिनीहरूको सरकारको कास्परस्की प्रणालीहरूमा पूर्ण पहुँच छ त्यसैले यसका सबै ग्राहकहरूको तथ्याँकमा पहुँच रहेको अमेरिकी अधिकारीहरूले भने।

वाणिज्य सचिव जीना रेमन्डोले बिहीबार पत्रकारहरूलाई भनिन “रूसले आफूसँग क्षमता रहेको देखाएको छ, र त्योभन्दा पनि बढी, अमेरिकीहरूको व्यक्तिगत जानकारी सङ्कलन गर्न र हतियार बनाउन क्यास्परस्की जस्ता रूसी सँस्था (कम्पनी)हरूको शोषण गर्ने उद्देश्य छ।”

वाणिज्य विभागको उद्योग तथा सुरक्षा बिभाग (ब्यूरो)ले आफ्नो नयाँ अधिकारीहरू अन्तर्गत क्यास्परस्कीलाई प्रतिबन्ध लगाउन सक्षम भएको रेमन्डोलेले बताइन ।