लिथुएनियामा शिखर सम्मेलन हुदै गर्दा उत्तर कोरियाले यता प्राक्षेपिक क्षेप्यास्त्र प्रक्षेपण गरेको छ ।

उत्तर कोरियाले बुधबार आफ्नो पूर्वी पानीतर्फ लामो दूरीको प्राक्षेपिक ( ब्यालिस्टिक) क्षेप्यास्त्र प्रक्षेपण गरेको छ । उत्तर कोरियाले आफ्नो क्षेत्र नजिकैको उत्तेजक अमेरिकी जासुसी गतिविधिलाई विरोध गर्न “चकित पार्ने” नतिजाहरूको धम्की दिएको दुई दिन पछि क्षेप्यास्त्र प्रक्षेपण गरेको हो ।

दक्षिण कोरियाको सेनाले बिहान १० बजेतिर उत्तरको राजधानी क्षेत्रबाट लामो दूरीको क्षेप्यास्त्र प्रक्षेपण पत्ता लगाएको दक्षिण कोरियाको संयुक्त प्रमुख अधिकारीले एक विज्ञप्तिमा उल्लेख गरेका छन् ।

दक्षिण कोरियाको सेनाले आफ्नो निगरानी स्थितिलाई बलियो बनाएको र संयुक्त राज्य अमेरिकासँग नजिकको समन्वयमा तत्परता कायम गरेको बताएको छ।जापानी रक्षा मन्त्री यासुकाजु हामादाले पत्रकारहरूलाई दिएको जानकारी अनुसार उत्तर कोरियाको क्षेप्यास्त्र सम्भवतः एक उच्च कोणमा प्रक्षेपण गरिएको थियो । हामादाले क्षेप्यास्त्र जापानी विशेष आर्थिक क्षेत्र बाहिर कोरियाली प्रायद्वीपको तटबाट करिब ५५०किलोमिटर (३४० माइल) पूर्व समुद्रमा अवतरण हुने अपेक्षा गरेको बताए ।