अमेरिकी सीमामा लामो समय देखि विभिन्न १०० भन्दा ज्यादा राष्ट्रहरुका आप्रवासीहरु अमेरिका प्रवेश गर्ने तयारी अवस्थामा रहेका छन् । सीमा क्षेत्र भद्रगोल स्थितिमा रहेको छ भने शीर्षक ४२ को म्याद आज राती सकिने भएको छ ।

कोरोना महामारी-युगको सार्वजनिक स्वास्थ्य प्रतिबन्धको म्याद सकिनु अघि केही घण्टा बाँकी छ भने धेरै वर्षको अमेरिकी अध्यागमन नीतिमा उल्लेखनीय परिवर्तन हुनेछ भनि सिएनएनले आफ्नो समाचारमा उल्लेख गरेको छ ।

कोभिड-१९ महामारीको शुरुवातको समयमा जारी गरिएको शिर्षक ४२ अर्थात् टाईटल -४२ ले सीमा अधिकारीहरूलाई अमेरिकी सिमानामा आप्रवासीहरूलाई तुरुन्तै फर्काउन अनुमति दिएको थियो । महामारी कोरोना भाइरसको फैलावट रोक्नको लागि त्यो लागू गरिएको थियो । तर बिहिबार मे ११ का दिन त्यो ११:५९ बजे राती परिवर्तन हुनेछ।

आदेशको म्याद सकिएपछि कसरी सीमा पार गर्नेहरूलाई प्रभाव पार्न सकिन्छ: अब के हुन्छ

शीर्षक ८ पुन: प्रभावमा लागू गरिने छ ।

शीर्षक ४२ ले सीमा अधिकारीहरूलाई अमेरिका -मेक्सिको सिमानामा सामना गरिएका आप्रवासीहरूलाई तुरुन्तै हटाउन अनुमति दियो, प्रायः वञ्चित आप्रवासीहरूलाई शरणार्थी दाबी गर्ने मौकाबाट वञ्चित गरेको थियो ।

एक पटक शीर्षक शिर्षक ४२ को म्याद सकिए पछि र त्यसलाई हटाएपछि अमेरिकी सरकारले शीर्षक ८ भनेर चिनिने अमेरिकी कोड(सांकेतिक अंक)को एक दशक पुरानो खण्डमा फर्किनेछ ।

अमेरिकी गृह बिभाग (होमल्याण्ड सेक्युरिटी )का सचिव अलेजान्ड्रो मेयोर्कासले आप्रवासीहरू बिना कानुनी देशमा प्रवेश गरेको पाइएमा “थप गम्भीर” परिणामहरू हुनेछन् भनि चेतावनी दिएका छन ।

शीर्षक ४२ के हो, किन अन्त्य हुँदैछ र अहिले सीमामा के हुँदैछ ?

होमल्याण्ड सुरक्षा विभाग(अमेरिकी गृह बिभाग )ले हालैका महिनाहरूमा बारम्बार जोड दिदै शीर्षक ८ अधिकार अन्तर्गत पक्राउ परेका आप्रवासीहरूले द्रुत निर्वासन प्रक्रियाको सामना गर्न सक्छन र जसलाई “छिटो हटाउन” भनिन्छ । कम्तिमा पाँच वर्षको लागि पुन: प्रवेशमा प्रतिबन्ध लगाइएको छ। अमेरिका प्रवेश गर्ने प्रयास गर्नेहरूले आपराधिक अभियोगको सामना गर्न सक्नेछन् भनि होमल्याण्ड सेक्युरिटी (सुरक्षा )विभागले जनाएको छ ।

तर शीर्षक ८ को लागि प्रशोधन (प्रक्रिया) समय लामो हुन सक्छ र उच्च संख्यामा सीमा गिरफ्तारीहरूको सामना गर्ने अधिकारीहरूको लागि ठूलो चुनौतीको सामना गर्न सक्छन । तुलनात्मक रूपमा शीर्षक ४२ अन्तर्गत प्रशोधन समय लगभग ३० मिनेट हो किनभने आप्रवासीहरूलाई छिट्टै निष्कासन गर्न सकिन्छ, जबकि शीर्षक ८ अन्तर्गत प्रक्रिया एक घण्टा भन्दा बढी लाग्न सक्छ।

शीर्षक ८ ले आप्रवासीहरूलाई शरण अर्थात् शरणार्थी खोज्न अनुमति दिन्छ, जुन लामो र तयार गरिएको प्रक्रिया हुन सक्छ ।

अमेरिकी भन्सार र सीमा सुरक्षा अनुसार आर्थिक वर्ष २०२२ मा शीर्षक ८ अन्तर्गत दक्षिणी सीमामा १. १५ मिलियन भन्दा बढी मानिसहरू पक्राउ परेका छन्। सोही अवधिमा दक्षिणी भूमि सिमानामा शीर्षक ४२ अन्तर्गत १.०८ मिलियन भन्दा बढी मानिसहरूलाई निष्कासन गरिएको थियो।

नयाँ सीमा नीति के हो ?

प्रशासनले शीर्षक ४२ हटाए पछि नयाँ, कडा नीति उपायहरू ल्याउने जुन यस हप्ता लागू हुनेछ। यसमा नयाँ शरण (आश्रय )नियम लागू गर्ने समावेश रहेका छन जसले ठूलो मात्रामा आप्रवासीहरूलाई अर्को देशबाट अमेरिकामा शरण खोज्नबाट रोक्नेछ।

यस वर्षको सुरुमा प्रस्तावित नियमले आप्रवासीहरू अमेरिकामा शरणका लागि अयोग्य छन् भनी ठान्नेछ यदि उनीहरूले सीमाको बाटोमा मेक्सिको जस्तो पारवहन (ट्रान्जिट )गरिएको देशमा शरण लिएनन् भने। अधिकारीहरूका अनुसार सीबीपी वन एप ( अर्थात् अनुप्रयोग )मार्फत भेटघाटको योजना (अपोइन्टमेन्ट) सुरक्षित गर्ने आप्रवासीहरूलाई छुट दिइनेछ भनि सिएनएनले जनाएको छ ।

यदि आप्रवासीहरू शरणका लागि अयोग्य पाइन्छ भने उनीहरूलाई द्रुत निर्वासन प्रक्रिया मार्फत हटाउन सकिन्छ, जसलाई “छिटो हटाउने” भनिन्छ, जसले उनीहरूलाई पाँच वर्षको लागि अमेरिकाबाट प्रतिबन्ध लगाउनेछ।