अमेरिकाले रुसमा भएका आफ्ना नागरिकहरुहरूलाई मनमानी गिरफ्तारीको जोखिमबाट बच्न “तुरुन्तै छोड्न” आदेश दिएको छ । संयुक्त राज्य अमेरिकाले युक्रेन युद्ध र रूसी प्रहरी तथा कानून प्रवर्तन सँस्थाहरुद्वारा सम्भावित उत्पीडन र मनमानी गिरफ्तारीको जोखिमको कारण रुसमा रहेका आफ्ना नागरिकहरुलाई तुरुन्तै छोड्न आदेश दिएको समाचार सिएनएनले लेखेको छ ।

“रुसमा बसोबास गर्ने वा यात्रा गरिरहेका अमेरिकी नागरिकहरूले तुरुन्तै प्रस्थान गर्नुपर्छ,” रुस स्थित अमेरिकी मिशनले भनेको छ । अमेरिकी विदेश बिभागले जारी गरेको अद्यावधिक यात्रा परामर्शमा रुसमा गलत हिरासतको जोखिमको कारणले सावधानी अपनाउन ध्यानाकर्षण गराएको छ ।

“रूसी सुरक्षा सेवाहरूले अमेरिकी नागरिकहरूलाई नक्कली आरोपमा गिरफ्तार गरेको छ । रुसमा अमेरिकी नागरिकहरूलाई थुनामा राख्ने र उत्पीडनको लागि छुट्याएको छ, उनीहरूलाई निष्पक्ष र पारदर्शी व्यवहार गर्न अस्वीकार गरेको छ, र उनीहरूलाई गोप्य परीक्षणहरूमा वा विश्वसनीय प्रमाणहरू प्रस्तुत नगरी दोषी ठहराएको छ।” अमेरिकी विदेश बिभागले जारी गरेको बिज्ञप्तिमा उल्लेख गरेको छ ।